பள்ளி மாணவர்களை அடிக்கவோ, அல்லது வேறு எந்த வகையிலும் துன்புறுத்தவோ கூடாது என்று மெட்ரிக் குலேஷன் பள்ளிகள் இயக்குனரகம் தெரிவித்துள்ளது.

இது குறித்து மெட்ரிக் குலேஷன் பள்ளிகள் இயக்குனரகம் அனைத்து மெட்ரிக்குலேஷன் பள்ளிகளுக்கும் அனுப்பியுள்ள சுற்றறிக்கையில் தெரிவித்திருப்பதாவது:”மாணவ, மாணவிகள் எந்த விதத்திலும் மன ரீதியாகவோ, உடல் ரீதியாகவோ பாதிக்கும்படி ஆசிரியர்கள் நடந்து கொள்ளக் கூடாது. மாணவர்களை ஆசிரியர்கள் எந்த சூழ்நிலையிலும் திட்டக் கூடாது. எந்த பொருட்களை கொண்டும் அடிக்க கூடாது. அவ்வாறு ஆசிரியர்கள் அடித்ததாக உறுதி செய்யப்பட்டால் சம்பந்தப்பட்ட ஆசிரியர்கள் மீது கடும் நடவடிக்கை எடுக்கப்படும்” என அந்த சுற்றறிக்கையில் தெரிவிக்கப்பட்டுள்ளது.

schoolpunishment_xlargeபல்வேறு தவறுகளில் ஈடுபடும் மாணவர்களை ஆசிரியர்கள் தண்டிக்கின்றனர். இதற்காக அவர்களுக்கு, வெயிலில் மணிக்கணக்கில் நிற்க வைத்தல், முழங்கால் போட வைத்தல், ஸ்கேலால் அடித்தல் உள்ளிட்ட தண்டனைகளை வழங்கப்படுகிறது. ஒரு சில பள்ளிகளில் இதைவிட கொடுமையான தண்டனைகளும் மாணவர்களுக்கு வழங்கப்படுகிறது. ஆசிரியர்களின் இது போன்ற செயலால் ஒரு சில மாணவர்கள் உயிரிழக்கும் சம்பவமும் தமிழகத்தில் அடிக்கடி நடக்கிறது. மாணவர்கள் ஆசிரியர்களால் துன்புறுத்தப்படுவதை தடுக்க பள்ளி கல்வித்துறை பல நடவடிக்கைகளை எடுத்து வருகிறது. இதனால் சமீபகாலமாக மாணவர்கள் ஆசிரியர்களால் துன்புறுத்தப்படுவது ஓரளவு குறைந்து விட்டது.

எனினும் இன்னும் ஒரு சில பள்ளிகளில் தொடர்ந்து மாணவர்கள் துன்புறுத்தப்படுவதாக பல குற்றச்சாட்டுகள் உள்ளது. குறிப்பாக கிராமப் புறங்களில் உள்ள பள்ளிகளில் தான் இது போன்ற சம்பவங்கள் அதிகம் நடக்கிறது. சமீபத்தில் கூட, இரும்பு ஸ்கேலை கொண்டு ஆசிரியர் தாக்கியதில் மாணவர் ஒருவர் கண் பார்வை இழந்தமை குறிப்பிடத்தக்கது.


பாலஸ்தீனத்தின் காஸா பகுதியில் இஸ்ரேல் நடத்திய இனப்படுகொலையில் 469 பச்சிளம் குழந்தைகள் உயிரிழந்துள்ளதாக ஐக்கிய நாடுகள் சபையில் குழந்தைகள் மேம்பாட்டு அமைப்பான யுனிசெப் தெரிவித்துள்ளது.
Yudas
காஸா பகுதியை நிர்வகித்து வரும் ஹமாஸ் இயக்கத்தினரை அழிக்கிறோம் என்ற போர்வையில் பாலஸ்தீனர்களை பூண்டோடு அழிக்கும் வகையில் கொடுந்தாக்குதலை இஸ்ரேல் நடத்தி வருகிறது.

This slideshow requires JavaScript.

கடந்த ஒரு மாத காலத்துக்கும் மேலாக இஸ்ரேல் நடத்தி வரும் இத்தாக்குதலில் சுமார் 2 ஆயிரம் பலியாகி உள்ளனர். மொத்தம் 10 ஆயிரம் பேர் படுகாயமடைந்துள்ளனர்.

பாலஸ்தீனத்துக்கும் யூதர்களுக்கும்(இஸ்ரேல்) பிரச்சனை தான் என்ன ?

46 வரை முழுமையாக பாலஸ்தீனம் என்று உலக வரைபடங்களில் குறிக்கப்பட்ட தேசம்.1947 ஆம் ஆண்டு ஐநா சபை மாற்றும் இங்கிலாந்து அமெரிக்கா போன்ற நாடுகளின் திட்டமிட்ட சதியின் மூலம் பாலஸ்தீனம் துண்டாடப்பட்டு அதன் ஒரு பகுதி வந்தேறிகளான யூதர்களிடம் கொடுக்கப்பட்டது.1967 ஆம் ஆண்டு திட்டமிட்ட தாக்குதல் மூலம் பாலஸ்தீனின் பெரும்பான்மை இடங்களை யூதர்கள் ஆக்கிரமித்தனர்.


(
ஒரு சாமானியனின் கேள்வி ?
இந்த அமெரிக்க , இங்கிலாந்து ஐ.நா சபை , இந்த இஸ்ரேலுக்கு உண்மையாக உதவ வேண்டும் என்றால் , உன் நாட்டில் குடியமர்த்த வேண்டியது தானே ? எண்டா அடுத்த நாட்டுக்குள் வச்சீங்க ? அப்ப இதிலிருந்து  உங்களின் உள்நோக்கம் அந்த பகுதியில் அமைதி இகுக்க கூடாது ???? நல்ல இருக்குடா உங்க நியாயம்.)
(more…)


குஜராத் மாநிலத்தில் பெண்கள் வெளியில் வரும்போது ஜீன்ஸ் மற்றும் டீசர்ட் அணிந்து வருவதை தவிர்க்க வேண்டும் என்று குஜராத் போலீசார் பெண்களுக்கு அறிவுரை வழங்கி உள்ளனர்.

பெண்கள் முதலில் ஒழுக்கத்தை கற்றுகொள்ளவேண்டும் என்றும் தெரிவித்தனர்.

இது தொடர்பாக பெண்கள் வெளியில் ஆபாசமாக வருவது அதனால் வரும் பிரச்சனைகள் குறித்து குஜராத் போலீசார் சுவர்களில்  விளம்பரம் செய்துள்ளனர்.

நல்ல தொடக்கம், பிரச்சனையின் ஆணி வேறை  ஆராய தொடங்கியுள்ளது .


பெண் ஊழியருக்கு செக்ஸ் தொல்லை கொடுத்ததாக வந்த புகாரை தொடர்ந்து, மும்பை செசன்சு கோர்ட்டு நீதிபதி பணி இடைநீக்கம் செய்யப்பட்டார்.

பெண் ஊழியர் புகார்

மும்பை செசன்சு கோர்ட்டில் போதை பொருள் வழக்குகள் விசாரணை சிறப்பு பிரிவில் நீதிபதியாக பதவி வகிப்பவர் எம்.டி.கெய்க்வாட். கடந்த சில தினங்களுக்கு முன் இந்த கோர்ட்டில் பணிபுரியும் பெண் ஊழியர் ஒருவர் ஐகோர்ட்டில் ஒரு புகார் மனு தாக்கல் செய்தார்.

அதில், ‘நீதிபதி எம்.டி.கெய்க்வாட் எனக்கு அடிக்கடி செக்ஸ் தொல்லை கொடுக்கிறார். இதனால் நான் மன உளைச்சலுக்கு ஆளாகி உள்ளேன். எனவே அவர் மீது நடவடிக்கை எடுக்க வேண்டும்’ என்று கூறி இருந்தார்.

விசாரணைக்கு உத்தரவு

மனுவை விசாரணைக்கு ஏற்றுக்கொண்ட ஐகோர்ட்டு, குற்றம் சுமத்தப்பட்ட செசன்சு கோர்ட்டு நீதிபதி எம்.டி.கெய்க்வாட் மீது துறை ரீதியான விசாரணைக்கு உத்தரவிட்டது. முதற்கட்ட விசாரணையில், மனுதாரருக்கு அவர் செக்ஸ் தொந்தரவு கொடுத்தது உறுதிப்படுத்தப்பட வில்லை.

இதைத்தொடர்ந்து, மற்றொரு சிறப்பு கோர்ட்டு நீதிபதி துலங்கர் தலைமையில் விசாரணை நடத்தப்பட்டது. அவர் நடத்திய விசாரணையில், எம்.டி.கெய்க்வாட் மீதான குற்றச்சாட்டு உறுதியானது. இதை போல், மேலும் ஒரு பெண் ஊழியருக்கு அவர் பாலியல் தொல்லை கொடுத்தது விசாரணையில் தெரியவந்தது. பின்னர் அவர் மீது குற்றப்பத்திரிகை தாக்கல் செய்யப்பட்டது.

பணி இடைநீக்கம்

இந்நிலையில், அவரை பணி இடைநீக்கம் செய்து மும்பை ஐகோர்ட்டு உத்தரவிட்டது. அவரால் பாலியல் தொல்லைக்கு ஆளான பெண் ஊழியர்களின் வாக்குமூலத்தை அடிப்படையாக வைத்து இந்த முடிவை ஐகோர்ட்டு எடுத்ததாக தெரியவந்து உள்ளது. மேலும், பணி இடைநீக்கம் செய்யப்பட்ட நீதிபதி எம்.டி.கெய்க்வாட் மீது மும்பை கொலபா போலீசார் மானபங்க பிரிவின்கீழ் வழக்குபதிவு செய்து உள்ளனர்.


தமிழகம் உள்பட இந்தியா முழுவதும் மாதச் சம்பளதாரர்கள் வருமான வரி தாக்கல் செய்ய இன்றே (ஜூலை 31) கடைசி நாளாகும்.

இதற்கு மேலும் வருமான வரித் தாக்கலுக்கு காலக்கெடு வழங்கப்படாது என்பதால் வியாழக்கிழமை ஆயிரக்கணக்கானோர் தங்கள் வருமான வரியைத் தாக்கல் செய்ய வருமான வரி அலுவலகங்களில் குவிந்துள்ளனர்.

ஆண்டு வருமானம் ரூ.5 லட்சத்துக்கும் அதிகமாக உள்ளவர்கள் தங்களது வருமான வரி கணக்கை ஆன்-லைன் மூலமாகத் தாக்கல் செய்ய வேண்டும்.

வருமான வரி கணக்கைத் தாக்கல் செய்யவில்லையெனில் அபராதம் விதிக்கப்படும் என வருமான வரித்துறை அதிகாரிகள் தெரிவித்தனர்.

மாதச் சம்பளதாரர்கள் தங்கள் வருமான வரிக் கணக்கை நெரிசலின்றி தாக்க செய்ய வசதியாக, சென்னை நுங்கம்பாக்கத்தில் உள்ள வருமான வரி தலைமை அலுவலகத்தில் 30-க்கும் மேற்பட்ட சிறப்புப் பிரிவுகள் திறக்கப்பட்டுள்ளன.

சென்னை, நுங்கம்பாக்கம் வருமான வரி அலுவலகத்தில் அமைக்கப்பட்ட சிறப்புப் பிரிவுகளில் (கவுன்ட்டர்) கடந்த இரண்டு நாள்களில் மாதச் சம்பளதாரர்கள் சுமார் 20 ஆயிரம் பேர் தங்கள் வருமான வரி கணக்கைத் தாக்கல் செய்தனர்.


காமன்வெல்த் போட்டியில் தங்கம் வென்றால் ரூ.1 கோடி பரிசு வழங்கப்படும் என்று ஹரியானா அரசு அறிவித்துள்ளது.

வீரர் வீராங்கனைகளை ஊக்கபடுத்தும் வகையில் 
ஒலிம்பிக், ஆசிய விளையாட்டுப் போட்டிகளில், காமன்வெல்த் போட்டிகளில் பதக்கம் வெல்பவர்களுக்கு வழங்கப்பட்டு வரும் ஊக்கத் தொகையை அதிகரிக்க ஹரியானா மாநில அரசு முடிவெடுத்துள்ளது.

common_wealth_2014

அதன்படி, காமன்வெல்த் போட்டியில்
தங்கம் வென்றால் ரூ.1 கோடியும்,
வெள்ளிப் பதக்கம் வென்றால் ரூ.5 லட்சமும்,
வெண்கலப் பதக்கம் வென்றால் ரூ.25 லட்சமும்
ஊக்கத் தொகையாக வழங்கப்படும்.

இதே போல ஆசிய விளையாட்டுப் போட்டிகளில்
தங்கம் வென்றால் ரூ.2 கோடியும்,
வெள்ளிப் பதக்கம் வென்றால் ரூ.1 கோடியும்,
வெண்கலம் வெல்பவர்களுக்கு ரூ.50 லட்சமும்
ஊக்கத் தொகை உயர்த்தி வழங்கப்படும் என்று அறிவிக்கப்பட்டுள்ளது.

மேலும், ஒலிம்பிக் போட்டியில்
தங்கம் வென்றால் ரூ.5 கோடி,
வெள்ளி வென்றால் ரூ.3 கோடி,
வெண்கலம் வென்றால் ரூ.2 கோடி
பரிசு வழங்கப்படும் என்றும் ஹரியானா மாநில அரசு அறிவித்துள்ளது.

நடைபெற்று வரும் காமன்வெல்த் போட்டியில் ஹரியானாவைச் சேர்ந்த 8 வீரர்கள் 3 தங்கம் மற்றும் 5 வெள்ளிப் பதக்கங்களை வென்றுள்ளது குறிப்பிடத்தக்கது.

சுடுதல் போட்டியில் பதக்கம் வென்ற வீரரான சஜீவ் ராஜ்புட்க்கு போலீஸ் இன்ஸ்பெக்டர் பதவியும் 

கபடி வீரரான கான்ஸ்டபிள் ரமேஷ்குமாருக்கு , பதவி உயர்வு கொடுத்து , இன்ஸ்பெக்டர் பதவியும்

மல்யுத்த வீரரான அணில் குமாருக்கு இன்ஸ்பெக்டர் பதவியும் 

பெண்கள் பிரிவில் கபடி வீரரான பரிமள தேவிக்கு சப் இன்ஸ்பெக்டர் பதவியும்  கொடுத்து கவுரவிப்பதாக ஹரியானா மாநில முதல்வர் அறிவித்தார் .

இந்தியாவில் இந்தியாவில் கிரிக்கெட் விளையாட்டுக்கு தான் முக்கியம் கொடுக்கபடுகிறது என்ற பரவலான குற்றச்சாட்டு இருந்து வரும் நிலையில் , ஹரியானா அரசின் இந்த அறிவிப்பு , மற்ற விளையாட்டு வீரர்களுக்கு உற்சாகத்தையும் உத்வேகத்தையும் கொடுக்கும். 


குடிகார மாநிலத்தின் குமட்டலுடனும் ஒழுங்கு மீறல்களுடனும் தமிழகம் தள்ளாடிக் கொண்டிருக்கின்றது.

மதுவினால் நாட்டுக்கு வீட்டுக்குக் கேடு என்பதைச் சொல்லிக் கொண்டே கேடுகெட்ட மாநிலமாகத் தமிழகத்தை பின்தள்ளிக் கொண்டிருக்கின்றனர் ஆட்சியாளர்கள்.

வீதிக்கு வந்த நாற்றத்தைச் சகித்துக் கொண்டு கடந்து போகும் மக்களிடையே அவ்வப்போது சில அரசியல் தலைவர்கள் அறிக்கைகள் வெளியிட்டு, ஒன்றிரண்டு அடையாளப் போராட்டங்களை நடத்தியதோடு சரி, அதைத் தாண்டி கொஞ்சம் நீளமாய் நடையாய் நடந்தும் பார்த்தாயிற்று. குடிகாரர்களின் அழுக்குக் கால்களில் விழுந்து கெஞ்சிப் பார்த்தார் சசி பெருமாள். உண்ணாவிரதம் இருந்தார். பழச்சாறு மட்டுமே மிஞ்சியது.

இதெல்லாம் சரிப்பட்டு வராது. தொடர் போராட்டங்களினால் அரசின் செவிட்டுச் செவியில் சங்கு ஊதிப் பார்ப்பது எனத் தம் தந்தையுடன் நீண்ட நெடிய போராட்டத்திற்காய்க் கிளம்பிவிட்டார் மதுரை சட்டக்கல்லூரி மாணவி நந்தினி. கைதுகளையும் முட்டுக்கட்டைகளையும் கடந்து இன்னும் போராடிக் கொண்டிருக்கின்றார். நீறு பூத்த நெருப்பாக இப்போராட்டம் வெடித்து அதன் அக்னிச் சூட்டில் மது அரக்கன் கருகிவிடமாட்டானா? என்ற நம்பிக்கையுடனும் எதிர்பார்ப்புடனும் நந்தினியைச் சந்திக்க மதுரைக்கேகினோம். தந்தை ஆனந்தனுடன் சமரசத்திற்கான நேர்காணலை நேர்த்தியுடன் தெளிவுடன் தொடர்கிறார் நந்தினி.

நந்தினிக்கு ஏன் மதுவின் மீது அவ்வளவு கோபம்?

எனக்கு மட்டும் இல்ல சார். தன்மானமுள்ள ஒவ்வொரு மனிதனுக்கும் இந்தக் கோபம் வரணும். மதுவினால் தனிப்பட்ட முறையில் எனக்கு எந்தப் பாதிப்பும் இல்லை. ஆனால் என் சமுதாயம் என் கண்முன்னே நாசமடைவதை எப்படி என்னால் வேடிக்கை பார்த்துக் கொண்டிருக்க முடியும்? மதுவினால் மானம் இழந்தவர்கள் எத்தனை பேர்? தந்தையை இழந்தவர்கள் எத்தனை பேர்? கணவனை இழந்த என் வயதையொத்த பெண்கள் எத்தனை எத்தனை பேர்? மதுவினால் எத்தனை விபத்துகள். எவ்வளவு பிரச்னைகள்? ஒரே வரியில் சொல்வதானால் எல்லாப் பிரச்னைகளுக்கும் மூல காரணமே மதுதான். இதை ஒழிக்காத வரை நம் தமிழகம் ஒருக்காலமும் முன்னேறாது.

உங்கள் போராட்டத்தின் பின்புலம் என்ன..?

(நந்தினி பதில் சொல்லத் தொடங்குமுன் அவருடைய தந்தை ஆனந்தன் குறுக்கிட்டு “ஸார்.. இந்தக் கேள்விக்கு நானே பதில் சொல்றேனே..என்று தொடர்ந்தார்)

நான்தான் என் மகளுக்கு உந்துசக்தி. தமிழக அரசின் வேளாண் பொறியியல் துறையில் இளநிலைப் பொறியாளராகப் பணியாற்றினேன். ஓய்வு பெற 15 ஆண்டுகள் மீதமிருக்கும்போதே விருப்ப ஓய்வு பெற்று சமுதாயப் பணியில் ஈடுபட்டு வருகிறேன். 18 ஆவது வயதில் அரசுப்பணியில் சேர்ந்தேன். அப்போதிருந்தே அரசியலை உன்னிப்பாகக் கவனித்து வருகிறேன். தொழிற்சங்க ஈடுபாடு ஏற்பட்டபோது சமுதாயப் புரிதல் எனக்கு அதிகமானது. வேளாண் துறை என்பதால் கிராம மக்களின் வாழ்வை மிக அருகிலிருந்து கவனித்து வருகிறேன். கிராமங்கள் நசிந்து வருகின்றன. இளைஞர்கள் அடித்தளத்தை விட்டு நகரத் தொடங்கிவிட்டார்கள். கலாச்சாரச் சீரழிவு பெருகத் தொடங்கி விட்டது. மக்களை மதுவுக்கு அடிமையாக்கி மக்களின் சிந்தனைகளை மழுங்கடித்து குடிகார மக்களின் மீது ஆதிக்கம் செலுத்த அரசு திட்டம் தீட்டியது. மக்களை மயக்க நிலையில் வைத்திருந்தால்தான் அரசின் அநியாயங்களை யாரும் தட்டிக் கேட்க மாட்டார்கள். அதனால் அரசே ஊத்திக் கொடுக்க ஆரம்பித்தபோதுதான் போராட்டக் களத்திற்கு என் மகளோடு வந்தேன். என் மகளை முன்னிறுத்தி இப்போராட்டத்தைத் தொடர்ந்து கொண்டிருக்கின்றோம்.

நந்தினி நீங்கள் உங்கள் தந்தையுடன் முதல்வரைச் சந்திக்கச் சென்றீர்களே..! அந்தப் போராட்டப் பயணம் பற்றிச் சொல்லுங்களேன்…!

மது அரக்கனை ஒழிக்க வேண்டும். மதுவினால் பாதிக்கப்பட்டவர்கள் குறித்த ஆய்வை முதலில் மேற்கொண்டோம். குடியினால் தந்தையை இழந்த 100 குழந்தைகளை அழைத்துக் கொண்டி முதல்வரைச் சந்திக்க நேரம் கேட்டு விரிவாய் கடிதம் எழுதினோம். எந்தப் பதிலும் இல்லை. டிசம்பர் 24 ஆம் நாள் எம்.ஜி.ஆர் பிறந்தநாள். எனவே முதல்வர் சென்னையில் இருப்பார் என்பதால் 23ஆம் தேதி நான் என் தந்தையுடன் இருசக்கர வாகனத்தில் சென்னைக்குக் கிளம்பினோம். அன்று மாலையில் நாங்கள் திருச்சியில் கைது செய்யப்பட்டோம். இரவு திருவெரும்பூர் காவல் நிலையத்தில் தங்கவைக்கப்பட்டோம். 25 ஆம் நாள் காலையில் விடுவிக்கப்பட்டோம்.

முதல்வர் கொடநாடு செல்வதால் நீங்கள் சென்னை வரவேண்டாம் என போயஸ் கார்டனிலிருந்து எங்களுக்குத் தகவல் வந்தது. உண்ணா விரதம் மேற்கொண்ட நிலையிலேயே சென்னைக்கு எங்கள் பயணத்தைத் தொடர்ந்தோம். குரோம்பேட்டையில் மீண்டும் கைது செய்யப்பட்டோம். உண்ணாவிரதத்தினாலும் பயணத்தினாலும் நாங்கள் மிகவும் களைப்படைந்து இருப்பதால் அங்குள்ள மருத்துவமனையில் எங்களை வைத்தார்கள்.

அங்கிருந்து விடுதலையாகி கொடநாடு நோக்கிச் சென்றோம். செல்கின்ற வழியில் பெருந்துறையில் எங்களை மீண்டும் கைது செய்தார்கள். எங்கள் உண்ணாவிரதத்தையும் நாங்கள் விடவில்லை. பெருந்துறை மருத்துவமனையில் எங்களைச் சேர்த்தார்கள். பின்னர் 26 ஆம் தேதி எங்களை நீதிமன்றத்தில் ஆஜராகவேண்டும் என்று சொல்லி அவர்கள் வாகனத்தில் எங்கள் இருசக்கர வாகனத்தையும் ஏற்றிக்கொண்டு நேராக மதுரைக்குச் சென்று எங்கள் வீட்டில் கொண்டு சேர்த்தார்கள். நாங்கள் வீட்டிற்குள் செல்லவில்லை. மீண்டும் திரும்பி மதுரை வைகை ஆற்றுப்படுகையில் எங்கள் உண்ணாவிரதத்தைத் தொடர்ந்தோம். என்னுடைய இளைய சகோதரியும் இப்போராட்டத்தில் கலந்துகொண்டாள்.

 

 

 

 

 

 

 

 

 

 

 

 

 

மீண்டும் நாங்கள் கைது செய்யப்படுகிறோம். அப்போதும் உண்ணாவிரதம் 7ஆவது நாளாகத் தொடர்கிறது. எங்கள் மீது தற்கொலை வழக்கு பதிவு செய்து என்னை திருச்சி பெண்கள் சிறையிலும், என் தந்தையை மதுரை மத்திய சிறையிலும் அடைத்தார்கள். அங்கு எங்கள் உண்ணாவிரதத்தை முடித்துக் கொண்டாலும் போராட்டத்தைத் தொடர்ந்தோம். எங்களுக்கு ஜாமீன் தர மறுத்தார்கள். இறுதியாக ஜனவரி11 ஆம் நாள் நிபந்தனை ஜாமீனில் வெளிவந்தோம்.

எங்கள் போராட்டம் இன்றுவரை தொடர்ந்து கொண்டுதான் இருக்கிறது. ஏப்ரல் 22 ஆம் தேதி மண் வாரித் தூற்றும் போராட்டத்தை மேற்கொள்ளச் சென்றபோது சென்னை மெரினாவில் வைத்து நாங்கள் கைது செய்யப்பட்டு புழல் சிறையில் அடைக்கப்பட்டோம். மே3 ஆம் தேதி எனக்கு பரீட்சை இருந்ததால் நான் மே 1 ஆம் நாள் விடுவிக்கப்பட்டேன். என் தந்தையை மே 11 ஆம் நாள் விடுவித்தார்கள்.

ஜூன் 23ஆம் நாள் பழ நெடுமாறன் அவர்கள் கலந்து கொண்ட போராட்டத்தை மதுரையில் நடத்தினோம். மதுவை ஒழிக்கும் வரை நாங்கள் ஓயமாட்டோம். ஜூலை 29 ஆம் நாள் சசிகலாவுக்குச் சொந்தமான மிடாஸ் மதுபான ஆலை முன்பு மது அரக்கி உருவபொம்மை எரிப்புப் போராட்டத்தை நடத்த உள்ளோம்.

இத்தகைய போராட்டங்களினால் ஏதேனும் மாற்றங்கள் நிகழ்ந்திருக்கின்றனவா..?

9ஆம் வகுப்பு 10ஆம் வகுப்பு மாணவர்கள் கூடக் குடிக்கத் தொடங்கிவிட்டார்கள். இச் சூழலில் மதுவுக்கெதிரான குரல் எழும்போதுதான் சமுதாயம் விழிப்புஉணர்வு அடையும். எங்கள் போராட்டங்களினால் ஓரளவு மக்களிடம் விழிப்பு உணர்வு வந்துள்ளது. மாற்றங்களை நோக்கித்தான் பயணிக்கின்றோம். நிச்சயம் ஒருநாள் மதுக்கடைகள் இழுத்து மூடப்படும். அந்த மாற்றத்திற்காகத்தான் உழைத்துக் கொண்டிருக்கின்றோம்.

Central Government Act – Section 328 in The Indian Penal Code: 328. Causing hurt by means of poison, etc., with intent to commit an offense.—Whoever administers to or causes to be taken by any person any poison or any stupefying, intoxicating or unwholesome drug, or other thing with intent to cause hurt to such person, or with intent to commit or to facilitate the commission of an offense or knowing it to be likely that he will thereby cause hurt, shall be punished with imprisonment of either description for a term which may extend to ten years, and shall also be liable to fine. http://www.indianpenalcode.in/ipc-328/

போராட்டங்களினால் மட்டுமே மதுவை ஒழித்துவிடமுடியுமா? மது ஒழிப்பிற்கான வேறு என்னென்ன திட்டங்களை வைத்துள்ளீர்கள்?

மதுவை ஒழிக்க சட்டப்பூர்வமான நடவடிக்கை மேற்கொண்டாலே போதும். Indian penal code ஐபிசி பிரிவு 328 இன் படி அரசு மதுவிற்பது சட்டவிரோதச் செயல். போதைப் பொருள்களைத் தவறு எனத் தெரிந்தே விற்பது சட்டப்படி குற்றம். அதற்கு 10 ஆண்டுகள் வரை சிறைத்தண்டனை கிடைக்கும். மது வீட்டுக்கும் நாட்டுக்கும் கேடு என்று நன்றாகத் தெரிந்து கொண்டே மதுவை அரசு விற்பது சட்டத்தை மீறிய செயல் இல்லையா…? கள்ளச் சாராயம் காய்ச்சுவது குற்றமென்றால் உரிமம் பெற்று டாஸ்மாக் நடத்துவது சரியானதுதானா? அரசியல் அமைப்புச் சட்டம் பிரிவு 47 இன் படி மதுவிலக்கை மாநில அரசு அமுல்படுத்த வேண்டும். மருத்துவத் தேவைக்காக அல்லாமல் போதைப் பொருளைப் பயன்படுத்துவதை அரசு தடுக்க வேண்டும். பொள்ளாச்சியில் மது அருந்திவிட்டு பாலியல் பலாத்காரம் செய்த செய்தியை அண்மையில் படித்திருப்பீர்கள். பலாத்காரத்திற்குத் தூண்டுதலான மதுவை அரசுதான் கொடுத்திருக்கிறது என்றால் இந்தக் குற்றத்தைத் தூண்டிய வழக்கில் அரசையும் இணைக்க முடியும். தவறுகளைத் தடுக்க வேண்டிய அரசே சாராயம் விற்பதுதான் வேதனை. சட்டத்தை அரசே காலில் போட்டு மிதிக்கும்போது சட்டத்திற்குத்தான் என்ன மரியாதை? எங்களின் கேள்விக்கு இன்றுவரை பதில் இல்லை. இதுபோன்ற சட்டப்பூர்வ விளக்கத்தைப் போராட்டங்களின் மூலம் முன்னெடுத்து வைக்கின்றோம். எங்கள் போராட்டம் ஒரு நாள் மக்கள் போராட்டத்திற்குத் தூண்டும் என நம்புகிறோம். மக்களின் ஒருமித்த குரல் ஓங்கி எழும்போது இந்த நியாயமான குரலுக்கு அரசு ஒருநாள் பதில் சொல்லித்தானே ஆகவேண்டும்.

மதுவினால் அரசுக்கு வருமானம் வருகிறது. மதுவைத் தடைசெய்தால் வருமானம் தடைபடுமே என்ற காரணத்தைச் சிலர் முன்வைக்கின்றார்களே….!

மதுவினால் அரசுக்கு வருமானம் என்று தினமலர் பத்திரிகைதான் செய்தியைப் பரப்பிவருகிறது. டாஸ்மாக்கைக் காப்பாற்றுவதில் தினமலரின் பங்கு முக்கியமானது. அரசுக்கு வருமானம் என்பது மூளைச்சலவை. சாராயத்தைக் கொடுத்துக் கணவனிடமிருந்து காசு பறிப்பார்கள். வீட்டுக்கு ஆடு, மாடு கொடுப்பார்களாம். உங்களிடம் இலவசம் கேட்டது யார்? அரசுக்கு வருமானத்திற்கு வேறு வழியே இல்லையா? கிரானைட் கற்களைத் தனியார் சுரண்டி விற்கிறார்களே… அரசு கிரானைட், தாது மணல்களை எடுத்து வருமானம் பார்க்கட்டுமே…! ஆண்டுக்கு 50 ஆயிரம் கோடி, 60 ஆயிரம் கோடிக்கு குடிக்கிறார்கள் மக்கள். மதுவைத் தடைசெய்தால் அந்த 50ஆயிரம், 60ஆயிரம் கோடியைத் தொழிலில் போடுவார்கள். வீடு கட்டுவார்கள். அவர்கள் அந்தப் பணத்தைக் கொண்டு என்ன செய்தாலும் அது அரசுக்கு நன்மையைத்தானே தரும். இன்னும் தெளிவாய்ச் சொல்வதானால் அரசுக்குக் கூடுதல் பணம் கிடைக்கும். குடியினால் ஏற்படும் விபத்துகளில் அரசுக்கு ஆகும் செலவு எவ்வளவு? குடியினால் குடல் வெந்து மருத்துவமனைகளில் செத்து மடியும் மக்களுக்கான மருத்துவச் செலவு எவ்வளவு? எல்லாவற்றையும் கூட்டிக் கழித்தால் மதுவினால் அரசுக்கு பெரும் நஷ்டம் என்பதுதான் நிதர்சனம்.

இடதுசாரிகளும் மதுவை ஆதரிக்கின்றார்களே… கவனிக்கின்றீர்களா…?

யார் ஆதரித்தாலும் எதிர்த்தாலும் குற்றம் குற்றமே..! டாஸ்மாக் ஊழியர்களை நிரந்தரப்படுத்த வேண்டும் என்று இடதுசாரிகள் கூறுகின்றார்கள். இதில் தொழிலாளியின் நலம் எதுவுமில்லை. டாஸ்மாக் ஊழியர்களுக்கான மாற்றுப் பணிகளை வழங்கக் கோரி இருக்கலாம். டாஸ்மாக் ஊழியர்களை நிரந்தரப்படுத்தக் கோருவது டாஸ்மாக்கை நிரந்தரப்படுத்து என்பதுதான் அதன் அர்த்தம். எந்தத் தொழிலாளி, பாட்டாளி வர்க்கத்திற்காகப் போராடுகிறோம் என்று சொல்கிறார்களோ.. அவர்களின் அன்றாடக் கூலியை மதுவின் மூலம் அரசு வம்படியாகப் பிடுங்கிக் கொள்கிறது. மட்டுமில்லை உழைக்கும் வர்க்கத்தை நாசப்படுத்துவதும் இந்த மது அரக்கன்தான். மதுவை ஒழிக்க முன்வரவேண்டிய இடதுசாரிகள் அதற்கு ஆதரவாகக் குரல் கொடுப்பது வேதனையானது. துயரமானது.

இந்தியா முழுவதிலும் தடை செய்தால்தான் தமிழகத்திலும் மதுஒழிப்பு சாத்தியம் என்பது சரியா..?

மதுவிலக்கு மாநில அரசு முடிவு செய்யவேண்டிய விஷயம். (ஆக்கத்தின் இறுதியில் உள்ள சுட்டியைக் காண்க – சத்தியமார்க்கம்.காம்) இந்தியாவில் தடைசெய்தால்தான் மாநிலத்திலும் தடை செய்வோம் என்றால் மாநில சுயாட்சிக்கு என்ன அர்த்தம் இருக்கப்போகிறது? 1971 வரை மது தடைசெய்யப்பட்ட மாநிலமாகத்தான் தமிழகம் இருந்தது. இரண்டு திராவிடக் கட்சிகளும் அண்ணாவின் பெயரைச் சொல்லி கட்சி நடத்திக் கொண்டு அவருடைய கொள்கைக்கு எதிராக மது வியாபாரம் செய்கின்றனர். அ.தி.மு.க ஏதாவது திட்டம் கொண்டுவந்தால் அடுத்துவரும் திமுக அந்தத் திட்டத்தைக் கைவிட்டு விடும். திமுக கொண்டுவந்த புதிய சட்டமன்றம், அண்ணா நூலகம், உழவர் சந்தை, சமத்துவபுரம் என்று எத்திட்டத்தையும் அடுத்து வரும் அதிமுக அத்தனை திட்டங்களையும் கடாசிவிடும். ஆனால் என்ன ஒற்றுமை பாருங்கள். மது விற்பதில் மட்டும் இருவரும் ஒன்றிணைந்து செயல்படுவதை..! டாஸ்மாக்கைத் திறந்தது அதிமுக; அதற்காகவாவது திமுக அதை இழுத்து மூடியிருக்கலாம். கலைஞர்தான் மதுவிலக்கை உடைத்து மது ஆறு பெருக்கெடுத்து ஓடச்செய்தவர். கலைஞர் கொண்டுவந்ததை அதிமுக ஆதரிக்கலாமா? அதற்காகவாவது மதுவைத் தடைசெய்திருக்கலாம் இல்லையா….!?

உங்கள் போராட்டத்திற்கு எதிர்ப்புகளும் ஆதரவுகளும் எப்படி இருக்கின்றன..?

மக்களிடம் நல்ல ஆதரவு இருக்கின்றது. நான் படிக்கின்ற சட்டக்கல்லூரி மாணவர்களும் உறுதுணையாக இருக்கின்றார்கள். மதுவை எதிர்த்துத் தீவிரமாகப் பிரச்சாரம் செய்யும் வைகோ, தமிழருவி மணியன், டாக்டர் ராமதாஸ் போன்றோர் எங்கள் போராட்டத்திற்கு ஆதரவும் வாழ்த்துகளும் தெரிவிக்கின்றார்களே தவிர இதை மக்கள் போராட்டமாக எடுத்துச் செல்வதில் முனைப்புக் காட்டவில்லை.

மதுவுக்கு எதிரான சிந்தனை உள்ளவர்கள் ஓரணியில் திரண்டாலே இந்த மதுவை முடிவுக்குக் கொண்டு வந்துவிடலாம். ஆனால் அரசியல்வாதிகள் ஆதாயம் இல்லாமல் எதையும் செய்யமாட்டார்கள்தானே….! எங்களுடைய போராட்டங்கள் குறித்து ஊடகங்களில் செய்தி வந்தாலும் கூட போதிய முக்கியத்துவம் தரவில்லை. ஊடகங்களில் இச்செய்திகள் இன்னும் அழுத்தம் பெறுமானால் இது மக்கள் போராட்டமாக மாற வாய்ப்பு இருக்கின்றது.

இஸ்லாமிய இயக்கத்தைச் சார்ந்தவர்கள் எங்கள் போராட்டங்களில் கலந்து கொள்வதுண்டு. கடந்த ஆண்டு முஸ்லிம் கட்சியின் தலைவர் ஒருவர் எங்களைச் சந்தித்து, “ரமளான் முடியட்டும். உங்கள் போராட்டத்தை நாங்கள் வீரியமாக்குகின்றோம் என்றார்கள்!” இதோ அடுத்த ரமளானும் வந்துவிட்டது. அவர்கள் வரவில்லை. எல்லாருக்கும் நிறைய வேலைகள் இருக்கும். அதே வேளையில் இது தலையாயப் பணி இல்லையா..? நாங்கள்தான் முன்நின்று நடத்தவேண்டும் என்பதில்லை. தகுதியானவர்கள் இந்தப் போராட்டத்தை முன்னெடுத்துச் செல்லட்டும். எப்படியாவது மது ஒழிந்தால் சரி..!

மதுவை முற்றாக ஒழித்துவிட முடியும் என்று நம்புகின்றீர்களா…?

நிச்சயமாக…! மது இல்லாத மாநிலமாக தமிழகம் திகழும். மதுவற்ற நாடாக இந்தியா மாறும். அதற்கான போராட்ட விதை என்றோ தூவப்பட்டு விட்டது. நாங்கள் அதில் இணைந்துள்ளோம். சமூக நலனிலும், நாட்டு நலனிலும் அக்கரை கொண்டவர்கள் ஒரணியில் இணையும் போது மதுவை இன்றில்லாவிட்டாலும் ஒரு நாள் ஒழித்தே தீருவோம்.

நன்றி : சமரசம் ஜுலை 2014 / சத்தியமார்க்கம்.காம்

Follow

Get every new post delivered to your Inbox.

Join 110 other followers